القائمة إغلاق

كلمة شيلة اه يالغربة – مشاري بن نافل

كلمات شيلة

اه يالغربة وطاريها الثقيل
فتنة الصابر وهمه كل ليل
ايه ابقدم والطريق ادري طويل
للمشاعر جوع محدن يشبعه

وانت ياللي بس تسأل كل يوم
الله اللي مدنا قوة عزوم
ما تزعزنا السوالف والهموم
والله انا مانحب الزعزعه

انحني الله واطلب ما ابيه
غير ربي ماعبدت ولا ارتجيه
من طلب ربه معونه ماعليه
الله اللي يعطي العالم سعه

ماتغيرنا الليالي والسنين
ماشيً بالدرب والخافي يبين
ماعلينا من كلام الحاسدين
كل طيب ربه اللي يرفعه

امسح بكف الامل همً ثقيل
ما يقلل قيمتي هرج الهبيل
ملتزم بالصمت والصبر الجميل
رحلة الغربة ثوابت مقنعه

هيه ياللي شفت نفسك فوق فوق
غرتك نفسك وضيعت الحقوق
انتبه من طيحت من بعد عوق
كل شرً ما جهلنا منبعه

الضعيف ضعيف فعيون الرجال
لو لبس له بشت وشماغ وعقال
مثل هذا مايجي لي راس مال
يترك المحتاج وقت المنفعه

عزتي تبقى لو ولو طاحت صروح
وغير هذا مابقى كلمة وبوح
والصبر مرهم وبلسم للجروح
لو نعيش بهم ولا معمعه

دامها تمشي بمشيها كذا
لو حصل فيها مجاريح واذى
يا نطيح بورد ولا في شذا
المهم الدين دايم نتبعه

غربتي طالت ولاعندي زهاب
ماشكيت من المواجع والعذاب
واتصبر احتسب جزل الثواب
والرجا باللي خلقني ماقطعه

 

اه يالغربة

جديد المنشد السعودي شيلة اه يالغربة وهي من كلمات الشاعر عيسى عيد الرشيدي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!