نقدم لكم كلمات شيله فهد بن فصلا الجديده طمنوه وهي شيله رائعه من كلمات الشاعر سيف بن سمران .
كلمات شيلة طمنوه
طمنوه ان كان يحسبني نسيته مانسيته
اتناسى عمري اللي مرني من غير شوفه
كان ميعاده ثمنه العمر قولوله شريته
ما على الدنيا بلا شوفته ياعالم حسوفه
لو على اخر يوم في عمري يجيني احتريته
محتريه الى اخر اللحظات لا يشغله خوفه
ليه ماهو يسمع اليا صحت بالصوت ودعيته
لا يناظر بالعيون ولا تلوح لي كفوفه
يدري اني كل يوم امر من قدام بيته
لو انا ماني من اهل البيت ولا من ضيوفه
ويش عذره كل جرحٍ من جنابه ماهقيته
لايخليني وانا اقوى من الزمان ومن ظروفه
كل شيً ينعش احساسي معاه انا لقيته
لو تظاهر بالتغلي عارفً وش وسط جوفه
ياملاذ العمر ياضوح السراب اللي ضميته
اروني مالي عن مطاردك ياخلي نكوفه
كل حلم يسري لطيفك تعنيت وسريته
علموه اني انا محتاج من قلبه مروفه
الى متى خلاص يكفي عمري اللي قد خذيته
الى متى وانا بعيش العمر كله مع طيوفه
لايهدم صرحنا اللي بيني وبينه بنيته
ولا يسل بوجهي اليا جيت ابا اشوفه سيوفه
يوم انا اللي ذايع بين العرب فعله وصيته
وان عصاه الوقت قولوله يسوي اللي يشوفه
عن شيلة طمنوه
هي شيله جديده صدرت عبر القناة الرسمية لفهد بن فصلا باليوتيوب وحققت نسبة مشاهدات عاليه ولاقت اعجاب محبي المنشد السعودي فهد بن فصلا .