كلمات شيلة يا مسافر – بدر العزي

يا مسافر طال فرقاك و غيابك
يحفظك ربي و ترجع بالسلامة

ارسل اشواقي الى حضرة جنابك
لك تحيات المحب و لك سلامه

وين وداك الحنين ووين جابك
منتظرك الين ما يوم القيامة

ما وصلك الشوق ما غطرف ببابك
يا عزيز ن واجبٍ كل احترامه

مرحبا بك في محلك مرحبا بك
يا منى قلبي و همه و اهتمامه

لك غلا لك شوق متعدي سحابك
لك مكانً في الصدر عالي مقامه

اعشق ايامك و ذكراك و ترابك
و الزمان اللي جمعنا بابتسامه

كم تمنيت و تمنيت اللقاء بك
نوح صدري مثل ما نوح الحمامه

شالني طيفك و رجعني سرابك
ما على المشتاق ذنب و لا ملامة

طال صبري و اه من وقتن غدا بك
خابر ان اللي صبر يلقى مرامه

وإن كتب ربي لنا عمرن و جابك
طاب حالي و الجفن عود منامه

يا مسافر Ya MSSAFer

جديد المنشد السعودي بدر العزي شيلة يا مسافر وهي من كلمات الشاعر صوت الحزن هادي ال ساري وتوزيع حازم الأبيض وشيلة يا مسافر هي شيلة حزينه تتحدث عن الفراق والغياب وصدرت على القناة الرسميه لبدر العزي.