كلمات شيلة يا محمد خل جرحي يطيب – صالح ال مانعه

يامحمد خل جرحي لعله مايطيب
انت والله كفو لكن ماعندك دواه

ياكثر صبرٍ صبرته على اسئلتك واجيب
كل ماجاوبت لاول تقول اللي وراه

حالتي ماهي غريبه ولا فيها غريب
اكثر العالم تمره وتبحث له خفاه

من دخل في غبة العشق لايمكن يثيب
ان غرق ولا تعلق على حبل النجاه

غير كان اقفابي الحظ الأقشر والنصيب
لايصيبك كان قفيت شكه والشتباه

انشد اللي من سواياه شف جرحي عطيب
واحدٍ مالي من مشاهد عيونه غناه

ابعدوبه ليت داري من دياره قريب
ماكلٍ حالي غرامه وساحرني حكاه

ان تحاكا هرجه الذ من طعم الحليب
وان تبسم قلت سبحان خلاق الشفاه

وان مشى سبحان منهو على خلقه رقيب
كن الأرض اليا وطاها تقول الله معاه

لادعاني قلت لبيه يالغصن الرطيب
وان دعيته قال لبيه لي ماقال هاه

وان شبح بالعين لديت من مابي صويب
نظرةٍ في حاجبيها مفاتيح الغناه

لاعطاني وجهه السمح حثيت الخبيب
واتنهت كل ماصد وأعطاني قفاه

اكتب بيوت القصايد على شانه وأجيب
اجمل حروف القوافي ولا توصف غلاه

من نشدني قلت طيب ولا ابغى لي طبيب
ولا انا يابري حالي وياكبدي وآه

آه من جور الليالي ومن غدر الصحيب
وآه من طول المساري ومن حر اللضاه

وآه من همٍ كتمته تحت ضلعٍ صليب
وآه ياقلبٍ تجافى وانا ادرى وش بلاه

يالطيف اروح دنيا بها شيٍ عجيب
كل مادورت لي صاحبٍ قفى وراه

ليتني مارحت ادور وضواك النصيب
استشم الجرح الأول وعاد اللي كواه

لايغرك قولتي لك ترا قلبي صعيب
المحبة تلحق العاشق المغرم قصاه

والله اني من رجالٍ يضدون الحريب
لكن الوقت انتحى بي ولا صلح خطاه

غير دامك يامعرب من النسل العريب
لد صوبي والتفت لي وأخذ مني وصاه

فارق همومك وريّح وضنك لايخيب
والله انك راس مالي ومفتاح الغناه

 

يا محمد خل جرحي يطيب

شيلة جديده للمنشد السعودي صالح ال مانعه وهي من كلمات صالح ال مانعه وتوزيع احمد محروس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *