كلمات شيلة يا صدري احنك – فلاح المسردي

ماني بشاكي ضيقتي للمخاليق
اخاف احد يدري بكثري وقلي
دام الرجال أسرارهم في الصناديق
ماني بشاكي لو أموت بمحلي

أنا رصيدي خوتي للمطاليق
من الجنوب ليا ضواحي حولي
يا صدري احنك عن الضيق وتضيق
إلى متى بالحزن يا صدر قلي

ياصدري الدنيا حظوظ وتوافيق
وأنا من الثنتين ذي ما حصلي
لو إن حظي مثل حظ المرازيق
ما كان عود بي على طير ياللي

خوت شرف خوت عهود ومواثيق
ماهي لأجل وقت الرخا والتسلي
أرسى من جبال السراوات وطويق
واقرب علي من رمش عيني وظلي

اللي حداهم لا لحقها وهي سيق
تعاطفت وهموم صدره تولي
عقال لكن في اللوازم مطافيق
لا شوشو صارو سوات المظلي

وأنا بعد لاششت ما نشف لي ريق
في سوق قلب الروح سهمي معلي
اسكر على صوت العزاوي ولافيق
وان جيت كلي ماتغيرت كلي

خوت رجال ونار ودلال وابريق
وفلت حجاج وخاطر مسفهري
هذي هي اللي تبعد الحزن والضيق
لاصرت اخاف الله واطيعه وأصلي

 

يا صدري احنك

شيلة يا صدري احنك اجدد أعمال المنشد السعودي فلاح المسردي من كلمات الشاعر سالم بن جخير والحان اغنية يا صدري احنك جازع بن سفران وشيلة يا صدري احنك من الشيلات الحزينه والتي تعبر كلماتها عن الهموم والمعاناة.