كلمات شيلة وضعي الله لايوريك – عبدالله ال مخلص

على وين يالي تو ما قر قلبي فيك
ماصدقت أشوفك بعد ماطول غيابك

أنا في غيابك وضعي الله لا يوريك
هموم وسهر وآلام وجروح بسبابك

خذ إيديني الي فاقده راحتين إيديك
ذبحني الحنين الـ مسة إيديك واهدابك

ل اتبطي وتترك ريحة ثيابك وطاريك
ترى اللي تحز بخاطري ريحة ثيابك

وش أبغى من الدنيا لو أنك تجي وأجيك
وأضمك وأقبّل وجنتك واتلوى بك

لا تهملني وتقسى علي جعلني ما أبكيك
أنا المزعج اللي ما يهدوّنه  الا بك

أحبك ومن حبك وأنا في المنام أدعيك
ولاَ مرني طاريك قمت اتحـفابك

تجيبك هبوب الشوق في البال توديـك
ولا نمت تهجدني ملامحك وأصحى بك

يصحيني طيفك مثل ما خوفك يصحيك
ورى طيفك اللي جاب طاريك ما جابك

أي والله أحبك وأتمناك و اداريك
من الكلمة اللي وقعها يحرق أعصابك

وأحب الدروب اللي وطت فوقها رجليك
لا تستغرب أن قلت أعشقك وأعشق ترابك

حبيبي فداك العمر كله ولا يكفيك
وش العمر لا عشت أجمله فاقد أحبابك

أنا ما شـعرت بلذة الحب قبل أغليك
ولا زانت الدنيا معي قبل ما احضى بك

صدوف الحياه ولوعة الفقد والتشكيك
تراني بعد ربي عليها اتقوى بك

لو تطلب عيوني جـتك هذي قبل هذيك
لكن لا يقفي فيك غيري وأنا أولى بك

شيلة وضعي الله لا يوريك

شيلة جديده للمبدع عبدالله ال مخلص من كلمات الشاعر عيسى بن مهل وتوزيع حازم الابيض.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *