كلمات شيلة وافي في حبك – عبدالله ال فروان

لي متى تبكين يا عيني بدموع القهر
ما تجيب المقفي ادموعك لو تذرف دهر
ما كفاك جراح بي كلّي وهموم و سهر

يا حياتي كثرت اطعونك قولي وش بقى
والله انّي سبّة اغيابك في ضيم و شقى
والمصيبه زايد ٍ شوقي وشلون اللقى

مشكله لو طالت الغيبه وش طبّ الوله
كنّ قلبي من حصل فرقى ما لحظه دله
لا تمشّيني على دربٍ مظلم واجهله

طالبِك لا تقتل المتعه في صبح و مسى
ليتك اتعوّد علي تدري وش فعْل القسى
فاقدِك يترقّب ارجوعك ما صدّ و نسى
ما كفاك اغياب

لا تتخلّى عن مغليك
ارحم حاله هجرك طال
بايع من قلبه شاريك
خيّبت آماله بهْمال

يتوجّع لا فكّر فيك
يتمنّى لو يوم اوصال
ودّه لو ما جيت ايجيك
بلقاك اتزين الآحوال

ما تشعر في ذنب و لوم
ما جاك اشعور التأنيب
شفني من صدّك مظلوم
هاوي لفنون التعذيب

مهملني ما تسأل دوم
هو كيف اجراحي بتطيب
اشكي من فتره لليوم
واتزيد بْوصلك تصعيب

وافي في حبّك مرّه ولا فكرت اخون
قاسي ماهمّك وضعي زوّدت الطعون

حبيبي صدق امعنّيني
ترى فيني ما يكفيني
عشقتك ليه اتخليني
ابي الفرحه واتبكّيني

وافي في حبك Abdullah

المنشد السعودي عبدالله ال فروان يعود بعمل جديد وشيلة وافي في حبك من كلمات الشاعر ثنيان الثنيان وتوزيع حازم الأبيض وتتحدث شيلة أغنية وافي في حبك عن الوفاء والإخلاص في الحب والعشق.

error: Content is protected !!