تزبر سحاب الذاكره كل ماسجيت
يخيل عليا وادفع فـ التنهاته
هبوب الشمال تهب وتشتته تشتيت
وتهب الجنوبيه وتجمع تشتاته
ترازم رعوده يوم سما وانا سميت
اجامل مع ان الشاد والصدر بسكاته
وكنه يقول لمرقب الذيب مامريت
توجه عليه وجرك اليوم حزاته
تروح الهموم وتنبسط فيه لاعديت
حسب ماسمعته من اعرف قبل نجاته
وقبل بعد ماوصفلي خفت من قول ليت وليت
تناصيت مدهال اشهب اللون ماذاته
احث القدم للرجم من عصر ما لذيت
تخالط طويل الفي ماجيت مثناته
ابي شوفته واقول ياذيب كيف امسيت
قبل لاتغيب الشمس وتضيع فرصاته
حراويه غلبا لاا تعليت فيه احريت
حسب ماذكر مسفر في توثيق رحلاته
وتبين علي وقلت رافق وانا خاويت
ترك الشريف اللي تشرف مخاواته
رفيق الحلا فيه والحلا في عملك صيت
يلاعبك ومداعبك يلاعبك بابياته
علشانك يصخر لك البيت تلو البيت
ولو كان تاخذ يالمخاوي من اوقاته
اغني واعرفك ماتغني ليا غنيت
اسريلك المنكوس وانت العواء هاته
تغانف ضلوعك مع سكوتك ليا كنيت
وكنك توادعني بسرع التلفاته
وانا خابر انك بالديار ماهرً خريت
بعد ماظهرلي من وداعك علاماته
ولكني بنشدك ماجاك ولاا جيت
ذيبً غدا لي ماعرف وين وجهاته
مضى لي ثلاث سنين ادور ولا خليت
جميع المكان اللي يربه ونياته
غفل معنيني وانا للقدم عنيت
ولافيه مزموماً على وجهته فاته
وصوفه جفولاً مارسمته ولا حليت
قريبً من الادمي بعنقه ونظراته
اقوله وانا ماشي واوادعك مامليت
ولكن وقت الشخص من ظمن اماناته
هبوب الشمال
جديد المنشد السعودي فالح الطوق شيلة رومانسيه تتحدث عن الحبيب وفراقه والبحث عنه تتميز بكلماتها الجميله واللحن الهادي وهي من كلمات الشاعر قاعد العتيبي.