كلمات شيلة نصيحة عمر – فلاح المسردي

العمر يالآدمي لو طال يبقى قصير
يأخذك من مرحله ويوصلك مرحله

تحمد الله على الأنعام حمداً كثير
وعطر لسانك بكل الذكر والبسمله

من صد عن طاعة الرحمن يصلى سعير
حتى ولو يحفظ الانفال والزلزله

فقير الأخلاق اهوّ اللي يسمى فقير
ومكارم أخلاقك اللي ترفعك منزله

من نوّر الله قلبه بالهدى يستنير
من يقبله خالقه خلق الله بتقبله

تغيّر الطبع كاثر فالزمان الأخير
فالدين والسلم والخوه وفـ المرجله

الكبر في القدر ولا العمر كلٍ كبير
مافيه بين العمر والقدر نسبة صله

الصغر صغر العقل والموت موت الضمير
والجهل جهلك لـ شيٍ ماحدٍ يجهله

والسر فالوقت هذا ما لقى جم بير
كم سر ذاعوه ناسٍ قبل ياصل هله

مادام فالناس خير الوقت عاده بخير
لو نفقد الخير واهله هذي المشكلة

 

نصيحة عمر

جديد المنشد السعودي فلاح المسردي شيلة نصيحة عمر وهي من كلمات الشاعر ذيب بن دريم وتوزيع أغنية نصيحة عمر محمد العلي.