كلمات شيلة مقاسيم الهوى – حمد الخزينه

على طاري سواليف الموده والسهر والتيه
انا عندي من الماضي كلام ودي اتمه
مقاسيم الهوى ماتنصف المحروم مدري ليه
تماشي صادق النيه و هي ما عندها ذمه

سلام الله على فايت غرام خافقي مضنيه
بقى له في الحنايا ما يعل الحال و يسمه
غرام اللي رهنت العمر لعيونه وبين يديه
مثل ما يرهن الطيب حلاله لجل ابن عمه

لاجيت اشبهه كنه المطر مع فارق التشبيه
يبل الروح ويداوي الجروح ويجلي الغمه
تفرد بالغلا اللي مبطي ماله خشير فيه
تبنته الضلوع و ضخه الشريان في دمه

انا من كثر ما اخاف المفارق كل يوم ارثيه
اضمه كل مره كني اخر مره اضمه
خذاه الوقت لكن ماخذا من عالمي طاريه
عيون الشوق و عيون الوله في غيبته جمه

انا وياه مثل اللي يحاتي واحد ن يغليه
يشوف ان المفارق صعب لكن شايل همه
يقول الموت لامن صار دوني تقدر انك تجيه
واقول الموت وينه ياحبيبي واتجه يمه

مقاسيم الهوى Hamad

جديد المنشد حمد الخزينه شيلة مقاسيم الهوى من توزيع احمد محروس وكلمات الشاعر جابر الدجران.