يامشغلن بالي و انا فيك مفتون
عذبت قلبي بالغلا وانت مرتاح
سبت عذابك صرت من دون في دون
جرحك تعمق في من بد الاجراح
من قبل اشوفك داله القلب وعيون
القلب من مرح الهواجيس مرتاح
مرتاح مثل اسعد انسانن على الكون
وريحت رجلي من عنا كل مسراح
اوفيت مثل اوفاي داين ومديون
وارهيت قلت ان الشقى والعنى راح
ومن يوم شفتك بان ماكان مكنون
باديتني نظره وضحكات وامزاح
واصابني ماصاب ليلى ومجنون
اجاوب القمري بنوحه لياناح
اسهرمن اسبابك وغيري ينامون
نظرات خرسك صوبني بلاسلاح
قلبن خذيته من معاليقه تمون
مسموح في ماخذت برضاك ومباح
لياحصل طبع الوفاء منك ممنون
ماني محسب للخساير والارباح
مسموح
يعود المنشد السعودي عيسى المشعلي بعمل جديد شيلة مسموح وهي دويتو مع عبدالله ال فروان وشيلة مسموح من كلمات الشاعر نقا الرشيدي.