مرحبا بك جيت وانا كنت جالس فيك افكر
كيف ماوقف وارحب بك بتقدير وحفاوه
مانسيتك يابعد عمري على شان اتذكر
فيه احد ينسى البراءه والبشاشه والنقاوه
تدري انه مستحيل انه ايتغير ويتنكر
اي واحد عاد باقي فيه شي من البداوه
داخلن بالله على روحك من الشيب المبكر
افزع لقلبي وكانك تقدر تداويه داوه
انت مثل الحاجه اللي طاولت بال المفكر
حاجتنً نسيانها يحتاج له صبر و قساوه!
هل لاا مريت في بالك ودق ولا تسكر
السوالف معك ياروحي لها عندي طراوه
الفواد الى تضايق و المزاج الى تعكر
مايطيب الا بوجهٍ يقلب الدنيا رضاوه
كل ماتطري لي اسهر واتحمد واتشكر
ماسهرتك من فراغ وماعشقتك من فضاوه
بس حاول ياحبيبي كل ما جيت اتفكر
اتفكر واتبسم لي ولكن بالهداوه
انت وجهك فيه زين وفيه ملح وفيه سكر
وانا واحد يوه صعب انه يتحمل هالحلاوه
شيلة مرحبا بك
شيلة فهد بن فصلا الجديده مرحبا بك وهي من كلمات الشاعر فهد بن سهل وتعد من احدث اعمال المنشد السعودي فهد بن فصلا الذي يعد من ابرز الوجوه الفنيه بالمملكة العربية السعودية كما ان لفهد بن فصلا الكثير من الشيلات التي حققت نجاح كبير مثل شيلة تخيل وهذا السعودي فوق وضيعتني وابتسم لي.