كلمات شيلة لا تعذر بالظروف – غريب آل مخلص

آه يا عمري وياويلي عليك

وثمنك بماء عيوني بشتريك

كيف تسأليني ابيك او ما ابيك
ايه أحبك وأعشقك واموت فيك

لا تشكك في غلاك وفي وفاي
شوفني خليت هالدنيا وراي
ما أبي غيرك ولا غيرك مناي
الحياه اللي ابيها في يديك

في عيونك سحر وفي ثغرك رحيق
وفي ضميري لك من اللهفه حريق
لو تخليني وانا نصف الطريق
راح كل العمر فالدرب احتريك

مستحيل أقبل بغيرك مستحيل
جل من سواك يالوجه الجميل
انت ما مثلك بخلق الله مثيل
ولا بديل ولا شبيه ولا شريك

من غلاك ومن هواك ومن حلاك
ودي اقضي عمري الباقي معاك

لو طريقك موحش وجمر وهلاك
ودي امشي فالطريق اللي يجيك

ادري انك وافيً سر وجهار
وادري انك واضحً وضح النهار
بس قلبي لاتلومه لو يغار
غيرتي من حرصي وخوفي عليك

لا تعذر ياحبيبي بالظروف
ولايردك من لقا الأحباب خوف

ولاتخلي فرصة اللقيا تطوف
لآخر انفاسي على الوعد احتريك

ما ابي غيرك ابد انت مامثلك احد
لو تبي روحي بعد روحي ماتغلى عليك

 

لا تعذر بالظروف

جديد المنشد السعودي غريب آل مخلص شيلة لا تعذر بالظروف وهي من كلمات الشاعر وضاح وأغنية لاتعذر بالظروف شيلة رومانسيه حزينه تتحدث عن الفراق والبعاد.