كلمات شيلة لاغابت الشمس – عبدالله ال فروان

بيني ومن بين حظي ما يحيّرني
لا جيت ابي حاجتن لي ما يحققها

 

ما هزني يا محمد وانت خابرني
الا عيون المها ساعة مفارقها
لا تلومني لوم وقتي ما يقدرني
سرا على النفس بأحزانه وطوقها
في ساعتن ليت دمع العين شاورني
الله لا يعيدها ساعه ويمحقها

لا غابت الشمس جاني ما يسهّرني
واسامر النجم لين يبين مشرقها
الذكريات القديمه يا مصبرني
احلامنا مرّها النسيان واحرقها
اسج والضيق لا سجيت دَوّرْني
وتطري علي الطواري عند مفرقها

يوم ان ما كان عنها شيء يخّرني
وافرح بمرسالها وافرح بمنطقها
الجادل اللي سِبَت عقلٍ يوقّرني
بـعيونها الناعسات وفي معنّقها
جعل السحايب بـ ديرتها تبشرني
ايحن رعّادها وايلوح بارقها

لاغابت الشمس

جديد عبدالله ال فروان دويتو مع فهد ال شري وشيلة لاغابت الشمس وهي من كلمات عوض ابن سرور.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *