لا تجادلني بغير التحيه والسلام
العرب تعرف رعايا بعض ووسومها
ولا تعذل اني من الهم عينه ماتنام
واهنيك يوم عينك قريب نومها
اتعزز واتصدد ومثلي مايلام
وادري ان النفس ماعاد ينفع لومها
اعتراض الي كتبه الوليذه مو حرام
وان رضى راح نفسي رضت مقسومها
الحياة ايام والشمس يقفاها الجهام
والسما يدرج رحى ليلها مع يومها
ودي اخذ سجتي وانسجامي فالكلام
ما يسلي نفسي ومايغسل همومها
دام مايلحقني من الهوى جنس الملام
ليه ماعانق سماها واعس نجومها
ماني براعي توجد ولا راعي هيام
ولا شعفني ضحكت سنونها ووشومها
والله ان الوجد فرقا الذخيره والحزام
والله ان غبنتي العرب وسلومها
واشهد ان الضعف لاصار بالصف انقسام
يجذب الهيابة تفرح بشوف حلومها
والردى ينسج سلوكه تحت جنح الظلام
لين يجثم فوق وكر النوادر بومها
والركاب الي خلقها الولي جل العظام
حملها بمتونها والرس بخشومها
كان ماعندك ثقة نفس جا فيك انفصام
وابلعتك ام الكباير وسط حلقومها
كان يقول الصدق ماله مع الناس اهتمام
استوت كلمة قروم العرب ورخومها
لا تجادلني
شيلة للمنشد السعودي فالح الطوق من كلمات الشاعر علي بن ضاوي.