انا من شهر سبعه وانا لابس الكمام
وكل احترازات الحكومه مسويها
لاكن الوبا طول وانا احسب الايام
ابا شوفة الغالين واخامس ايديها
انا ماتغيب عن هل الشعر والاعلام
لاكن الظروف احيان ماينقدر فيها
اعاند صدوف الوقت واسوقها قدام
وبيوت الشعر مانيب جاهل معانيها
ابا افهق اعقالي وافهق شماغي البسام
ليا من طرا لي وقفتاً حي طاريها
على المحفل المعمور جاء لشعر درهام
وبيوت القصايد ماتبي غير راعيها
هلا مرحبا واهلا هلا واللزوم الزام
تراحيبنا لاهل الكرامه نثنيها
هلا مرحبا ترحيب يبقا ل مية عام
ضيوف الحفل ياجعل ربي يحييها
ومن شان منهو يلجم المعتدين الجام
ليا جات وقفات النشاما وداعيها
هذا ماجد الوافي هذا ماجد المقدام
هذا الي ليا جات المواقيف يحميها
هذا ماجد الي للقبيله ذرا وحزام
حزامن ليا جات الامور ودواعيها
وعسى الله يبارك فيك يامحطم الارقام
ياخالد دروب الطيب منته بغاويها
معرب مابين ابن مجيول وابن غنام
خوالك وعمانك عريباً مجانيها
من الابه الي فاللقاء ترهب الاخصام
يموت بقهر وبذل منهو يعاديها
من الاد قرمد عزوتاً تحتم الجهام
رجالن على الطالات طالت يمانيها
بني عمي حزام السعد والخصم ينضام
تواريخنا وامجادنا نفتخر فيها
و سهوم المنايا عزوتي للخصيم اكعام
رجال البقوم الي بعيده هقاويها
بقومً لبسنا مع هل الطايلات اوسام
قبايل وسبعين ونعم ماتكفيها
لنا ماضياً يعرف بشلفا وضرب حسام
هذا طيبنا والمرجله مانخليها
لابس الكمام
جديد المنشد فهد بن فصلا شيلة لابس الكمام وهي شيلة لـ قبيلة البقوم من كلمات الشاعر سيف البقمي.