في داخلي جمر من الضيق واري
والقلب كنه ثاير به براكين
كني غريبن ساكنن غير داري
بعيد عن دار الغلا كامل الزين
ورجاب شوقي زرفلن يوم ساري
خبن ضمايا ع فراق المضانين
وجدي عليهم كل ما هب ذاري
لوني خفيته فاضح الدمع بالعين
وتوق توق الحر شاف الحباري
مرهي وصايد عالي الجو هنتين
على وصاله شوف خلي اجباري
غلاه في قلبي مشيد من سنين
فالزين وصفه باينله مواري
نعيم خده والبلا شوفت العين
ما ريت مثله فالحسن له يماير
وان ييت اوصف ما توفي دواوين
عسى دياره وابل الودق ياري
يبطي عليهم سايقن حول شهرين
تخصر من عقبه ولو به قفاري
ويغناله القاضي ويطرب له الزين
كامل الزين
يعود المنشد السعودي محمد بن غرمان باغنية وشيلة رومانسية جديده من كلمات الشاعر سيف عبدالله همزه الكتبي وشيلة كامل الزين باللهجة الاماراتيه.