في عيونك جمال وفي عيوني غزل
خلي عيوننا تنظم قصيدو تبوح
الحقيقه انا في الوصل فاقد امل
بس خليني اشبع من عيونك واروح
انت وصفك عديم في جميع الدول
انت قربك يشافي مزمنين الجروح
انت بين العذارى مثل كوكب زحل
العذاريب تكرم من طرقها طموح
انت خلقك ميز من يشوفك ذبل
دايم الدوم طيفك في عيونه يلوح
انت منهو يشوفك في جمالك خبل
ينذهل من جبينك كنه برق يلوح
والجسم عسوجيه شابه ازيـا محل
تجبر اللي من العربان قلبه مـزوح
عزك الله من الممشى دروب الزلل
ما لعبك ابليس ولا لعبك لحوح
ان تكلم حديثه مثل مزج العسل
لي اطلع في السريره مال سدك يبوح
من وفاه بمقاله هرجته ما تمل
كنه در العرابا من يذوقه صبوح
صوت يام على الطاروق جر الحبل
ذكر القلب طاروقه اجروح تفوح
المعذره يبن باصم يلي الوصف قل
شايب من هوى الخفرات قدنى سموح
شيلة في عيونك جمال
جديد المنشد السعودي ناجي بن باصم ( صوت يام ) شيلة بعنوان في عيونك جمال من كلمات الشاعر علي بن مهران ال صليع وكورال حصين اليامي و حشان ال ملجم.