بعد صار صدري للحزن ساحة الميدان
ولا لي علي الغايات سلطه ولا قويه
وجودي وجود امعرب الساس والجدان
ليا باع له شي مع الوقت مهتويه
على الهون يا صحابي ترى البير علمه بان
بعد ما هويتو فيه والهويه الهويه
عسى الله يبارك فالمواقيف مهما كان
كوتني من ادروس الليالي مية كويه
غناة الرجل من مكسب العرف خمس اركان
ولاهيب فـ الشطحه ولاعيب فـ الغويه
وطراة الرجل وضح تباها بها العريان
اعراض الخدود ومدة القوس ملتيه
بنات اوضح تلقى بناته مع السبعان
من الزين والمليون والعشب مرتويه
سناد الغوارب عاليه متن والاذان
تقول انها من محجر العين منزويه
تنكاس وسبال تلاعب قدم الاعيان
مثل فرش عزاب على الارض منطويه
تعلق بها راس يلين الحجر ما لااان
مثل راس ذيب في علو الرجم عويه
مشى شفها رجل دبل دينة الديان
تقول ان كبده من هوى الوضح منشويه
ليا صابها شي مع الوقت جاه جنان
قمر من محله كنها اعز من ذويه
يابو محمد الغايه بعيده وانا شفقان
ولا لي على الغايات سلطه ولا قويه
تدور الليالي والزمن زان ولا شان
علي الحرام انها على الجرح مستويه
ابجيب لي وضح تحاكا بها البدوان
مثل وضح خشم العان واوليد ابن شويه
غناة الرجل
جديد المنشد السعودي فايز الدوسري شيلة غناة الرجل وهي من كلمات الشاعر عبدالرحمن مدغم المشعبي وتوزيع محمد العلي.