كلمات شيلة طال الغياب – صالح مانع اليامي

طال الغياب اللي سرت بي طواريه
ما أدري علام الوقت صوبه حداني

العالم الله كيف ابأصبر وأجاريه
والجرح ينزف والمشاعر تعاني

ياخذني الشوق القديم ومواريه
ترى بعيني وتنسمع من لساني

على الطريق الي طوال مماشيه
هداني الله فيه ما أدري ببلاني

لقيت فيه الي أحبّه وأعانيه
شوقي وحرماني وخوفي وأماني

الي سلب عقلي بزوله وطاريه
واخذ مكانه خلف عوج المحاني

فيه الشعر يكتب جديده وماضييه
باجمل  معاني الي بحبّه معاني

حسنه على كل أهل الحسن معليه
لين اوقفت عنده جميع الاماني

يستبشر الليل العتم في مباديه
والبدر والجدي وسهيل اليماني

إليا دنا غار العنب من تدنيه
واليا تثنى يقهر الخيزراني

راضي بحبه وبغلاه وتغلّيه
وان غاب عن عيني وصد وجفاني

اللي سلب عقلي بزوله وطاريه
وأخذ مكانه خلف عوج المحاني

 

طال الغياب SALEH

المنشد السعودي صالح مانع اليامي يعود بعمل جديد وشيلة طال الغياب وهي من كلمات الشاعر سلمان زاهر والحان يوسف الشهري وتوزيع إسلام مرغني وأغنية طال الغياب من الشيلات الحزينه التي تتحدث عن الغياب والفراق.