كلمات شيلة طاري غيابك – عبدالله ال مخلص

في حظورك هزني طاري غيابك
مثل ماهزك غيابي في حظوري

الحظور اللي مع حضرة جنابك
من شعوري فيه يفقدني شعوري

جعلها والله ترحب مرحبابك
يا آخر اسباب الشقى وأول سروري

جيت نعمه من سما والله جابك
واصبح وجودك معي شي(ن) ضروري

بين رحمة وصلك وغيبة عذابك
كل يوم اصيح بالصوت الجهوري

مايوقف بي الغلا الا عند بابك
وان تخيلتك خيال تزين اموري

لا تلاقى في سما قلبي سحابك
روضة الصدر انبتت كادي وجوري

ابتدى فيني غروري وانتهابك
في وجودك ماحد يشبع غروري

ذاب قلبي من حنانك في عتابك
وان بغيت اعاتبك ماطاع شوري

يا بري حالي على حتى ثيابك
يوم خالط عطرها ريحة عطوري

جعلني فدوة غلاك وكل مابك
انت يوزر قلبي وكلمة مروري

يااه يازين الزمان اللي لفابك
واه منك كان ما تعذر قصوري

حطني في وجه وصلك من غيابك
وانت والله ماتشوف الا حضوري

 

شيلة طاري غيابك

كعادته المنشد السعودي عبدالله ال مخلص يعود بعمل مميز ورائع وشيلة طاري غيابك وهي من كلمات الشاعر سعد بن شلفوت وتوزيع حازم الابيض وقد عرضت حصريا لاول مره يوم 8 سبتمبر 2020م وتعد شيلة طاري غيابك من الشيلات الرومانسيه الحزينه التي تعبر عن الحزن بفراق المحبوب والافتقاد اليه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *