كلمات شيلة ضايق صدري – فلاح المسردي

ضايق صدري له أسبوع ما مره ونيس
الوداع يشيب الراس والفرقا تلوع
لاتذكرت الموادع ضحى يوم الخميس
ودي إن الوقت وقف على يوم الربوع

لأجلها هليت دمعي وأنا دمعي نفيس
ودمعة الرجال توجع مثل كسر الضلوع

حتى لو ماهي بـ ليلي وأنا ماني بـقيس
لكن إنها في عيوني تساوت والجموع

من يقيس الحب بالبعد مايعرف يقيس
المحبه بالمواصل وبالصوت السموع

وسط صدري من غيابك مثل حمي الوطيس
لاتطفين المحبه مثل طفي الشموع

إقربي مافيه قبلك ولابعدك جليس
من عرفك يحس نفسه عن العالم قنوع

لاتخليني ضحيه مثل خط الخميس
من سرى به في دجى الليل ما أيقن بالرجوع

 

ضايق صدري

يعود المنشد السعودي المميز فلاح المسردي بشيلة حزينه رومانسيه من كلمات الشاعر عامر العايذي ويعتبر فلاح المسردي من ابرز الاصوات على ساحة الشيلات.