كلمات شيلة شمس العصر – فلاح المسردي

لا اغربت شمس العصر قامت افكاري تجول
كل هم يروح تاتيني همومً وراه

الحياه صدوفها ماسكه وياي دول
غير انا راسي كما النير وجبال السراه

وما يخلي دق قلبي مثل دق الطبول
كود فرقا كنها بالصدر جمرة قضاه

يا حبيبي ما بعد زولك بالازوال زول
البصر من دون شوفك تساوى معّ عماه

ابتعادك بحرٍ ايهول وامواجه تهول
ووصلك ولقياك وسط البحر سترة نجاه
الزكاة بديننا تندفع لا دار حول
من ملك له مال ولا جمال او كم شاة

وانت تملك زينً ايعجز كبار العقول
مفترض تدفع على زينك الطاغي زكاه

لا تلوم الي لا مريته ايصير مهبول
انت لو انك تمر الجبل ينزح وراه

الجفول إن شاف زولك غدا ماهو جفول
انت حبك يزرع اشعور في جوف الحصاه

كل ما جيت اوّصفك ياتي الـ عقلي ذهول
يختفي وجه القمر ينقصر عنق المهاه

اخذ من ضي القمر يا بعد عمري غسول
يمكن ايحسدك علشانك امهمش ضياه

كن في خدينك اورود والريق امعسول
لا تلوم النحل لا جاك من كل اتجاه

انت كنك فصل واحد جمع الاربع فصول
يا ربيعه يا خريفه مصيفه يا شتاه

انت للقلب الشقي غيمً امطاره سيول
انت يومن صبحه بوجهك وشعرك مساه

والله ان العقل ماله مع غيرك ميول
والله ان القلب يا زين ما غيرك خذاه

العيون وساع وامن الحلا كن بك خمول
كل ما سلهمت بالرمش مشاءالله علاه
ما اظن الي بعينك كحل يمكن كحول
من يشوف اعيونك ايصير وضعه هاه هاه

يا صلاة الله وسلم على وجه الرسول
وش عيون الحر ولا وش الخيل وقطاه

حط يدّينك بـ يديني وخل العذول
تحترق واتقول من حرقها بالكبد اه

من بـ قلبك يا هوا البال يلقى له قبول
والله ان ذي دعوته كل ما صلا صلاه

ما يقول الا عسى عمري وعمرك يطول
من يحبك يكره الموت ويحب الحياه

ماني أحب الفضول ومعك كلي فضول
كل شيً يبتدي معّك ما ابغي منتهاه

كل ما ناديتك ابغي اعبر يالبتول
وقلت لي لبيه وامر تدلل يا غلاه

يثقل لساني واضيّع ولا ادري ويش اقول
مدري والله وش بلاني ولا ادري وش بلاه

شمس العصر Falah

جديد المنشد السعودي فلاح المسردي شيلة شمس العصر وأغنية شمس العصر من كلمات الشاعر سعد بن هويدي.