أشرقت شمس السعد على وطنا
وبالفرح غنا ولبس أجمل ثيابه
والرياض من الوله رحب وغنا
من فياضه لسماه اليا هضابه
صب هيل ونفح عود ودار أهلنا
كلها من صوت واحد مرحبا به
في حضوره كن محد غاب عنا
ويوم أستشعر العارض غيابه
من كبر قدره وطيبه ما جهلنا
والعطا اللي مثل همال السحابه
وكثر مافي جوده الألسن تغنا
وطبعه الإخلاص والاعداء تهابه
المرض في قربه أمسى وأرجهنا
بالجناب الدمث وشعور الرحابه
ياخطاك السوء يامن فيه قلنا
أجزل الأبيات والشعر احتفابه
فخدمة ولاة الأمر لا ما تونا
سيفنا اللي سلته تحمى نصابه
كل ماجا في مهمه قال حنا
للوطن بأرواحنا نفدى ترابه
يابو ناصر والفخر منا ومنا
ياعضيد المجد وركون المهابه
محمد وفعله يسابق به زمنا
رؤيته شرع لها التاريخ بابه
أبهر العالم وللعليا وصلنا
جاري مجده قبل جاري الكتابه
فيه مضمون النجاح وفيه أملنا
والعدو والله مانحسب حسابه
في وجوده والشعب يتهنا
سيدي يأمر وله منا الإجابه
شمس السعد
جديد المنشد السعودي فلاح المسردي شيلة شمس السعد وهي من كلمات الشاعر ناصر بن هندي وشيلة شمس السعد بمناسبة سلامة المستشار تركي آل الشيخ. كما تتطرق لرؤية 2030 والإشادة بإنجازات سمو ولي العهد الأمير محمد بن سلمان.