تقول اني متغير وذا اللي ترى فيني
وانا اقول يمكن صح كل اللي تقوله
ولكن ترى قلبي فقد يانظر عيني
محبة وفا تغنيه عن كل من حوله
سلوم الغلا والحب من بينك وبيني
فلا تبخل بحبك بكلمات معسوله
احبك وابي قربك ووصلك يسلّيني
ابي ضحكة شفاتك وحبٍ على اصوله
احبك وصدقني وبحلف لك يميني
ولكن ابي حب مضى تسرج خيوله
ابي اسلوبك الراقي وابي سحرك الزيني
وانا خابر انك تمتلك عملة هوله
على اربع حروف اسمك ويكفي ويكفيني
عن اللي بوسط الكون عرضه مع طوله
ولا ياغنات الروح ويا فرحة سنيني
ولا يا هوى بالي وشفه ومحصوله
ويابهجة الخاطر غلاتي ومغليني
ياشبه القمر لاحل في كامل حلوله
مغيرك حدن يا سلوة القلب يعنيني
وقلبي لغيرك مابعد ميّل ميوله
مدام الغلا والحب من بينك وبيني
نبي نرجع الماضي وحب على اصوله
شبه القمر Moon
جديد المنشد طير شلوى دويتو مع عبدالاله العطوي وشيلة شبه القمر وهي شيلة رومانسية من كلمات طير شلوى.