ياللي هجرت القلب من دون سبه
ترا الجفا مخلوق للي يجافيك
انت الحيا الي فـ المحاني مصبه
حرام تتركني وانا خاطري فيك
اشوف طيفك واحسب اني مشبه
اثر الطواري كل ابوها طواريك
البحر له غبة وللحب غبة
وانا الغريق الي على حطت ايديك
بعيد يا حزني ويا جرحي ويا طبه
يا ليت لي موطى ندم في محانيك
وشلون تترك قلب مثلي مسبه
نسيت من يغليك وشهو موصيك
الي بنفسك لاتضايقت منبه
ورسايل العشاق للود تشييك
ارب قلبك ما نسى الود اربه
ولا باع منهو باع روحه وشاريك
مدى الحياة ايام كيف المحبه
اسرع من اللحظه على قلب مغليك
ريح العذل يامن تجاهل مهبه
يدخل مع الابواب ولا الشبابيك
خل العذول ومايقوله مطبه
والوقت عن غل العواذل يكفيك
لا زان لك ريع المحبين ذبه
وناهيك من كثر التشراه ناهيك
ما زان لك هاته وما شان كبه
ومالك ومال الي من الهرج يغثيك
ولا عاد تهجرني جفى دون سبه
حرام تتركني وانا خاطري فيك
شيلة رسايل العشاق
نقدم لكم كلمات شيلة غريب ال مخلص الجديده رسايل العشاق وهي شيله رومانسيه رائعه تتحدث عن الحب والشوق والمحبه من كلمات الشاعر سيف بن مهنا وتوزيع الشيلة حازم الابيض وقد لاقت شيلة رسايل العشاق نجاح كبير على السوشل ميديا بتحقيقها لنسبة مشاهدات عاليه وكذلك استحسان جمهور المنشد السعودي غريب ال مخلص.