القائمة إغلاق

كلمات شيلة درب الغلا – فايز الدوسري

كلمات شيلة

على درب الغلا روّح براسي قلبي المجنون
‏يدرّج خطوتين الشوق والتحنان لاحبابه

‏بعد فكيت له باب الصدر ليله وقلت تمون
‏نفض ريشه ورى وجه الغرام ورحت باسبابه

‏انا حريته عندي ورى اضلاعي وهو مسجون
‏وهو حريته في كسر جنحانه و مخلابه

‏الومه لالقيت الصدق كاذب و الغرام جنون
‏ولا الومه وانا الاحظ وجيه الناس كذابه

‏وانا وشلون الومه فالجمال اليوسفي وشلون
‏وهو تجتاحه ظروف الحياه وتحرق اعصابه

‏لقى غيمه ترش الما و تعطي للصحاري لون
‏بعد جفت مواريد الوفا من طعنة اصحابه

‏ياصُدفه و اعدت عمري لقا مابين كاف ونون
‏ياموعد يجمع الاثنين في واحد على بابه

‏احبه كثر ماتغري وصوف الفاتن المفتون
‏واحبه كثر مايدفن غلاه بقلبي عتابه

‏مخبي حبه بصدري عشان الناس مايدرون
‏وتفضحني عصافير الغرام وريحة اعشابه

‏ياويلي كل مالاح الحيا في وجهه المزيون
‏وفاحت وردتينه من هواه وعضّ عنابه

‏تذوب الشمس لذة من حلاياه وتميل غصون
وشعاع الطيف كل ماطلّ نسج طيفه من ثيابه

‏عيونه مكحله مادري كحل منثور مادري عيون
‏ورمشه غابةٍ متشابكه من فوقها غابه

‏بعينه نظرة الحب وجواهر سره المدفون
‏وعلى شفة عسله توقّف النحله وتزهى به

‏اذا سوّى بقصته الحريريه دلع .. هاللون
‏يطيح اللي يمشّط لحيته و يفتل اشنابه

‏لا رزّ السيف الاملح ماني بحاجة مية مليون
‏يبا يقطع بسيفه حزني القاتل من غيابه

‏غيابه اه يا غيابه هو اللي بيح المكنون
‏وطاحت خطوتين الشوق والتحنان بترابه

‏فداه العاقل اللي ما يلوم العقل والمجنون
‏و فداه اللي يلوم العاشق اللي فاقد احبابه

درب الغلا

جديد المنشد السعودي فايز الدوسري شيلة رومانسيه من كلمات الشاعر مبارك بن هديان وتوزيع محمد العلي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!