القائمة إغلاق

كلمات شيلة حلمي التايه – فايز الدوسري

كلمات شيلة

انا مابيح خفاي الا معاناتي
اللي من اسبابها خانتني العبره
اخفي جروحً بصدري ريحها عاتي
ويكشفني المنجرح واللي معه خبره

من يجبر كسوري ومن يجمع شتاتي
ومن يفهم شعور قلبً مل من صبره
اسعى ورا حلمي التايه ورغباتي
لو ان عزمي ضعف من قلة الدبره

غبرات الايام تطمع بي على اسكاتي
وتجدد جروحً امن العام منقبره
اثر المحبه سبب حزني ولوعاتي
وسبايب الضيقه الي هلتّ العبره

ياغايتي معك اقضي لذة اوقاتي
وبغيابك ايام عمري شينه وغبره
صدك حرمني فرح عمري ولذاتي
واعطاني دروس واعطاني بعد عبره

من بعد هجرك م اعرف الا تنهاتي
وخواطرن كسرت ماهيب منجبره
اطيوفك تمرني وتشد نظراتي
وتاخذ خيالي بعد هجرك وتختبره

من محجر العين طاحت كل دمعاتي
ادموع عيني بعد فرقاك منزبره
ترفقي بي وجوّدي في ملاقاتي
وبكفن الحزن واواريه في قبره

لعل في شوفتك تشفع لي ابياتي
ترا القلم ياحياتي جف من حبره
صوتك ينسيني همومي وعثراتي
لو ان من شفتك ماسمع سوا نبره
والله لو اقطع مع العالم علاقاتي
اهم حاجه وصالك ما انقطع شبره

 

حلمي التايه

جديد المنشد السعودي فايز الدوسري شيلة حلمي التايه وهي من كلمات نواف مطر الممخور وتوزيع موسيقي محمد العلي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!