كلمات شيلة حبيبة الروح – طالب الصعاق

حبيبة الروح والذكرى محطة حنين
تستنزف دموع كل اللي يمرونها
قبل افقدك زين ماكنت اعرف الفقد زين
وماعرف نار الفراق اللي يقولونها
وعلى كثر ما فقدتك كان عندي يقين


بكرة تقر العيون بشوف مظنونها
كنت ادري انك بعد هذا الغياب بتجين
وان الجروح بتشافى لو على هونها
يامرحبا واتركي الاعذار عذرك سمين
جيتي وكل الاماكن قرت عيونها
هاللحظة اللي فرح فيها الشعور الحزين
بعيش واموت شاكرها وممنونها
لك وسط قلبي ممر وشرفة ووردتين
مهما تمر الليالي لونها لونها
وشلون برضي غروري فيك وابدا منين
وانا اعطي افكاري التعبير ويخونها
دورت لك في كلام الحب بين السنين
من جيل هالوقت لـ ليلى ومجنونها
كل الكلام اللي قد قالوه ماهوب زين
في حضرتك ياهدب عيني ويانونها
واحبك : استنزفوها واجد العاشقين
احتاج كلمة جديدة مايقولونها

شيلة حبيبة الروح

شيلة جديده للمبدع طالب الصعاق وكلمات الشاعر محسن بن تركي وتوزيع الشيلة احمد محروس.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *