القائمة إغلاق

كلمات شيلة حبنا لك ياوطن – ماجد الرسلاني

كلمات شيلة

يومك اللي نحتفل به ياوطنا
يوم عزٍ حقنا فيه انتغنى
جالك معزي على مانت اتمنى
واحتمى للمجد في نجد العذيه

من بعد ليل التفرق والجهاله
اشرقت شمس التكاتف والعداله
وحقق الله مانواه وماسعاله
بالعزاوي والعزوم الفيصليه

الصعايب نوخت له وانحنت له
والعدا من هيبة السيف اخضعت له
وحد جموع القبايل واذعنت له
تدفعه في نصرة الدين الحميه

ذاع صيته واشتهر في كل ديره
قايدٍ ضرغام وسيوفه شطيره
لين وحد كامل ربوع الجزيره
وسادها معزي على ظهر المطيه

واكملو بعده عياله واحتموها
في عداله شرع الاسلام احكموها
ومن بعد ماهي صحاري شيدوها
واصبحت ضمن الصفوف الاوليه

بالكفوف اللي مثل وبل السحايب
ذللو في خدمة الشعب الصعايب
وصار يامن في ذراهم كل هايب
وفي ذراهم دايم النيران حيه

نحمد اللي عزنا با عضم قياده
سادةٍ تحكم لها في الارض ساده
وعن كثير الهرج يكفينا وكاده
شعبنا وافي ودولتنا وفيه

والله انا والله انا والله انا
مابنا اللي عن ندا الواجب تونى
مانساوم في ولانا ياوطنا
دونك الارواح نبذلها هديه

حبنا لك ياوطن مثل المبادي
ثابته ماهزها كيد الاعادي
بالسلاح وبالرماح وبالايادي
مانهاب الموت وحياض المنيه

 

حبنا لك ياوطن

جديد المنشد السعودي ماجد الرسلاني شيلة حبنا لك ياوطن وهي بمناسبة اليوم الوطني السعودي والاغنية من كلمات الشاعر خلف المشعان العنزي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!