كلمات شيلة جدا محترم – محمد بن غرمان

جاتنا الأخبار من بعد المقيل

وطاح كل اللي بنيته وانهدم

أختلف جوي وانا جوي عليل

واتهمني صاحبي عدة تهم

بعد ما انا كنت لهمومه اشيل

يا جراته ليه يكفر بالنعم

قال لي غدار و من هذا القبيل

قالها ب اسلوب جداً محترم

وجاي هسه يقول يبغى يستقيل

بعد ما نكّس شراعه و العلم

قلت هل يوجد لديك اية دليل

ولا قلبك في المحبه ما التزم

حسبي الله وحده ونعم الوكيل

على وليفٍ شك فيني و اتهم

ما استطعت ترد لي ربع الجميل

لا و لا بين بعينك وارتسم

والله إني ما هقيت انك عميل

لين خيبتي ظنوني و العشم

من متى عبله تهيم ب شرحبيل

وعنتره ساهي ولاهي ما التهم

لاتقول امزح ترا مزحك ثقيل

ولا تمثل دور عاشق وانظلم

انتبه يا هيه وصحصح ياهبيل

لا يغرك من في وجهك ابتسم

بختصرها لك ولا ودي اطيل

من عرفتك وانا عايش في وهم

هل عشقتي جارياْ عابر سبيل

ام جُننتي  يالهنوف  ام اللثم

العواذل سوو لمخك غسيل

فخخوا  راسك و اعدوا لك لغم

لو تفارقنا ترى عندي بديل

يعني ما يفرق وجودك والعدم

صعب اسكت ي حبيبي واستميل

صعب تلوي لي ذراعي وانهزم

كنت تحلف عن هوانا ما تميل

وين عهدك وين وعدك والقسم

ليلة البارح سرت بي للمخيل

شايفك تركض وفي يدك سهم

لو نويت تخون وترديني قتيل

خون لكن  لا تلفق لي التهم

خالص الأشواق والشكر الجزيل

الزمن لا دار ينصف بالحكم

كلمةٍ باقولها قبل الرحيل

مايفيدك دمع عينك والندم

قلبك الي  دور  لقلبي  بديل

مايفرق في البريء و المتهم

 

جدا محترم Lyrics

جديد المنشد السعودي محمد بن غرمان شيلة جدا محترم وهي من كلمات الشاعر علي بن محمد والحان أغنية جدا محترم رامي بن غرمان وتعتبر شيلة جدا محترم هي احدث شيلات محمد بن غرمان بعد النجاح الكبير الذي حققته شيلة ساعه بس.