كلمات شيلة تعشمت بك – فهد بن فصلا

تعشمت بك ياللي عطيتك من الايام
مايحلم به اللي وده يصافح يديني
تراني لغيرك ياحبيبي من الاحلام
تلاحق زمانك قبل لا تطيح من عيني

 

انا وانت مانصلح نعيش الزمان اخصام
تعال انتقاسم عمرنا بينك وبيني
ولا يطيح حظك بعد حظك ياخلي قام
مادام ان حبك جاريً في شراييني

لاتهزمني وتنصر على حسابنا اللوام
وانا من ملامك فيني اللي مكفيني
ويومي بدونك ياحبيبي مسيرة عام
ثلاثين عامً عشتها ،، يا معنيني

مابين الفرح بكره وبين الفرج قدام
احث الخطاوي تايهً في عناويني
لو ان الملاقى صعب لا تحرم اللي صام
وقلبك على قلبي ودينك على ديني

انا راضيً وصلك لو انه بصوت وكام
عشان استعيد المعنويه وروتيني
مابين الالف والجيم والميم ويا اللام
قضيت العمر يوم ان بالك يداريني

ترى الناس من دون الاحاسيس كنها اصنام
وترى الحب لو يلوي ذراعي مايبكيني
من جروح حبك ماني بمعلن استسلام
احب الجروح و مااحبك تخليني

 

تعشمت بك

المنشد السعودي فهد بن فصلا يعود بـ شيلة جديده وهي تعشمت بك وقد كتب كلماتها الشاعر سيف بن سمران يذكر ان شيلة تعشمت بك هي جديد فهد بعد النجاح الذي حققته شيلته الاخيرة مرحبا بك والتي حققت ملايين المشاهدات والاستماع ويعد فهد بن فصلا من اشهر مطربي الشيلات السعوديه والخليجيه.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *