انساك لحظه وذكرك باقي العام
حتى وانا ناسي نسيت وذكرتك
من كثر ما حنيت لك شوق وهيام
اصبر عليك ويا كثر ماصبرتك
عذرك معك كان السبب حبس الاقدام
غيره لو تحب السماء ماعذرتك
لك عين ماتبكي من طعون الايام
او ماعرفتك زين لين انتظرتك
حلم يضيع فداك يا كل الاحلام
ويكفيك بسنين الغدر ما غدرتك
ليه التجافي ليه عريت الاقلام
خابرك ذنب وبرتكابك خبرتك
كسرت خاطر لين ماعود حطام
لو هو بيدي ياخاطري ماكسرتك
ابطيت يالخفاق وجروحك ايتام
ويا ليل لولا وحشتك ماسهرتك
لي بـ الألم موطن ونا موطن آلام
للبوح ياسيد غلاي استعرتك
كان الكحل في ساحل الدمع ما نام
تعال ولا في غيابك خسرتك
كن الشوارع من خطاويك صيام
وانا الغروب اتنهدتك واختصرتك
وتقول ناسي روح روح انشد العام
انا نسيتك فيه حتى ذكرتك
انساك لحظه
شيلة جديده للمنشد السعودي غريب ال مخلص يهديها الى جماهيره وهي من كلمات عبدالمحسن المسعودي وتوزيع حازم الابيض وشيلة انساك لحظه هي شيلة حزينه تتحدث عن فراق الحبيب يذكر ان شيلته الاخيرة اتغنى فيك والتي غناها مع المنشد منصور الوايلي حققت نجاح باهر لدى جماهير غريب ال مخلص .