القائمة إغلاق

كلمات شيلة انت وينك – حمد الخزينه

اسألوه ان كان حر الشوق ماحرك ضميره
خبروه ان الليال البارده للقلب حره
في عيون المنتظر دمعة حنين مستجيره
من تفاصيل الغروب وكل نسناسٍ يمره

نمت عندي حلم عاشق له طموحاتٍ كبيره
ولا صحيت الى مفارق ما لقى فالارض جره

انت وينك في غيابك تيه وامالٍ كسيره
انت وينك مابقى فالمقبلات الى المضره

رغم قسوة ما مضى قلبي ترك بيدك مصيره
خطوتك بين الجفون الذابله عيد و مبره

الهوى خلا فوادي بين هم وبين حيره
لا تحرر من عناه ولا اهتنى بالوصل مره

دورو لي عمر ثاني هالعمر ماخوذ خيره
بين لوعات الغياب اللي التوى خيره ب شره

ما سكن غيره خيالي والغلا ماهو لغيره
واحدن لا من طرالي جاب طاريه المسره

والله اني في غرامه لين لحظاتي الاخيره
ماتنزّح لين نجم سهيل ينزح من مقره

 

انت وينك Ant Winek

جديد المنشد القطري المميز حمد الخزينه شيلة انت وينك وهي شيلة رومانسية تتحدث عن الاشتياق والفراق من كلمات الشاعر فهد النعيمي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!