بين الليل والقمرا هبت ريحة الذكرا
والعاشق نوا المسرا
ياعذب اللمى يازين
دارك ماهي ب داري
ليه تعذب الساري اللي حده الطاري
يسري والعرب ممسين
شوقي يالغضي جابك وقفني على بابك
وينك طول غيابك
ياخلي كحيل العين
الله يلعن ظروفك ماخلتني اشوفك
ياخوفي وياخوفك
ماعاد الظروف تزين
اسهر وانت في نومك وانشد واخذ علومك
ياجعلي قبل يومك
اقوله واقول امين
عينك كحلها سايح لبى رمشها الطايح
ياريم الفلا النايح
زولك يتقي ويبين
بين الردف والمنحر خصرك شوفته تسحر
لا هب الهوا وانحر
القاسي عليه يلين
عليك الدلع لايق لبى وجهك الرايق
لا شفته وانا ضايق
روحي تنقسم نصفين
الليل والقمرا
جديد المنشد السعودي صالح الزهيري شيلة الليل والقمرا وهي من كلمات خالد ال سليم.