كلمات شيلة القصه الخالدة – صالح ال مانعه

يالله اني لوجهك توجهت عني يامعين
يارحيم ليا لاذ عبدك لوجهك ترحمه

 

واعطني من لدنك الرضى وامل قلبي باليقين
وارض نفسي وعلمني بعلم ماكنت يعلمه

وانجني واعفني واغنني واهدني دنيا ودين
واجعل اسمي مع الصالحين ومع اهل المكرمه

ظلني في ظلالك مع الصحبة المستبشرين
ساعة يحشر المرء ويحاسب بما قدمه

وعطني يألهي كتابي مع اصحاب اليمين
وانجني من عذابك ومن صحبة أهل المشئمه

وابن لي بيت في جنة الخلد يارحم لأرحمين
يوم ماكتب لي جنة في الحياة المؤلمه

ضاعت احلام عمري مثل ضيعة امر المسلمين
بعد ما وكل الأمر للجاهل وللشرذمه

وابتدت رحلة الشك في غاية المتدينين
كل مالله بنا بيت الأسلام قامت تهدمه

شوهو صورة الدين من بين متلون وبين
مفتي معمر اللي يحلل ماربي حرمه

ادري ان اشرف الخلق صادق وخير المرسلين
وادري ان النبية سجاح اكذب من مسيلمه

واعرف احداث غزوة بدر جت قبل غزوة حنين
واعرف اللي تخلف وربي من النصر احرمه

واعرف الزمرة اللي تحرف رياض الصالحين
بعد ماشككو في بخاري الحديث ومسلمه

كنت ادافع عن المذنب اللي قضى عمره سجين
وانتقد قاضي المحكمة والمساعد وقلمه

يشهد الله ويشهد على قولي الناس اجمعين
وتشهد القصة الخالدة والهجاء والملحمه

احسبني مع الوقت ادافع عن المستضعفين
واثرني كنت اشد ازر ظالم وبالعفو اظلمه

ويوم ربي كتب للسجين الفرج من بعد حين
باعني غدر واصبح صديق لقاضي المحكمه

ذنبي ان راسي اصوك وصارم ولي ضلع متين
وأكره الظلم وان جا على دربي ابليس ارجمه

راح عمري وانا ادفع ضريبة خطأ المتمردين
في نضام العرب خاين العهد مايهدر دمه

ودي احكي واسولف لكن يفهم القلب الفطين
ماخلقنا جواسيس ولا نحب التمتمه

سود الله وجه اللي افرح علينا الشامتين
ويقطع الله عروق الخون والوجيه المظلمه

غير بثي وشكواي لله رب العالمين
والوعد محكمة ربي اصدق كتاب ومحكمه

شيلة القصة الخالده

نقدم لكم شيلة جديده للمنشد صالح ال مانعه بعنوان القصه الخالده مكتوبه.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *