لا تساورك الظنون و لا تساورك الطواري
عادك أغلى من عشقت وعادك الحب المبدا
وعادك اللي كل ما هب الهوا والليل ساري
أذكرك وإذا ذكرتك سال غيم و ورد ندّا
في غيابك ملتهب قلبي على جمر انتظاري
والحزن إن ما تعشى من قفص صدري تغدا
ذي طيـوفك من يميني و ذي طـيوفك من يساري
تطرق فـ باب الطواري طيف جاب و طيف ودا
والله إني في محيا وجهك الطاهر أماري
وكل زين يمرني عقبك أمره و أتعدا
في محطات العمر ما كنت من ضمن اختياري
القدر جابك وأنـا ممنـون للأقدار جدا
يا حبيبي وأغلب العشاق من بايع و شاري
يوم أنا من كثر ماني واثقٍ فيك أتحـدا
أنت ..مثل الحاكم اللي دون شعبه نهر جاري
و أنا مثل الصامل اللي دون حاكمه يتـفدّا
شيلة القدر جابك
جديد المنشد السعودي بندر بن عوير شيله جميله بعنوان القدر جابك من كلمات الشاعر حمد ابن الذيب والحان المتميز يوسف الشهري وتعتبر هذه الشيله من انجح اعمال بندر بن عوير وحققت نسبة استماع ومشاهدة كبيره.