كل ما اقبلت يالظبي الجفول
ادبل المرحبا والمسهلا
تكحل العيون بالطرف الخجول
وتنعش الروح يا كل الغلا
الله اللي عطاك من القبول
لين ما صرت فارق بالحلا
حبك يصول بالقلب ويجول
والحزن كل ماجيت انجلا
السوالف معك ودي تطول
منك السالفه والا فلا
الحكي من شفايفك معسول
كيف لا قلت لبيه وهلا
جعل زولك حبيبي مايزول
جعلني من وصالك ماخلا
طلتك تسلب كبار العقول
نادر الوصف من بين الملأ
كل من شافك يحس بذهول
وعن نواعس عيونك ماسلا
الله اللي عطاك من القبول
لين ماصرت فارق بالحلا
الظبي الجفول
شيلة رومانسية طربيه للمنشد الكويتي فهد العيباني من كلمات الشاعر ماجد الديحاني.