متى تطل الشمس ويذوب الجليد
ياذا الشعور اللي معي منذ الأزل
تعالي اذوب لك احساسي قصيد
ي اكبر من حدود الكلام المختزل
وامشي معي لين النهاية ايد بـ ايد
وخليني اغرف لك من اشعاري ، وازل
واذا ارتبكت بحرف خليني اعيد
ما ودي احس اني سمعتك هزل
بحاول وبفشل واحاول من جديد
حـقك عـلي مـاتسمـعيـن الا جزل
يا احلى من انصت لي واخذني للبعيد
ورقى فـعيني لين في قلبي نزل
مدري وش ابغى اقول لك بس الاكيد
اخاف اعبّر لك عن احساسي وازل
انتي بدون ابالغ الشخص الوحيد
اللي احـس اني مـعه في منعزل
في كل يوم اشم عطرك واستعيد
حبي لك اللي لم يزل ولن يزل
وعذري معي لو اتمادى فالقصيد
في كل حالاتك مثيره الغزل
الشخص الوحيد
المنشد شبل الدواسر يعود بشيلة رائعه وهي شيلة الشخص الوحيد من كلمات المبدع محسن بن تركي.