كلمات شيلة الترف – نياف تركي

يانفسن يزايمها القلق كل مامال الضلال
خاف الله فيه لاتغيبين ياشمس العصير
تبياح سري وصل لو الوصل يمه محال
اساير لوصله بالسير والوصل ماله مصير

معنيك يارجلي لرقي الشناخيب الطوال
اعرف ان مامنها فوايد لجرح القلب مير

لعديت في راسك هدا البال ياشم الجبال
مابين العتب والوم اعاتبك ياشره الضمير

وجودي على شوفتك يالترف ياعنق الغزال
على كثر ماضرب التوجد على الطفل الغرير

يجيني خلل يابو خلاخيل يابو دق خال
ابي جنتك وانت تحديني لنارن زمهرير

دمرتي بعيني كل مازان يابنت الحلال
بزينك وثقلك كن مالك على البيدا خشير

دمار البني الطرق والتلع زينات القبال
جمالك يخليها عليهن عبوسن قمطرير

خليلي ترى زين الهوى وانت تعرف بالوصال
وقطع الرسايل شرر مافيه الغالين خير

ترى العمر لوطال العمر تالي العمر الزوال
مصير البنادم قبر طال العمر ولاقصير

ليامن تذكرتك دخلت ابك بيبان الخيال
ماعاد اعرف لي وجة ادراك مير اللي يصير

تقول ان في صدري عزاويك ياوقعت طلال
وخيلن عليها من بني روق ممنت الجوير

اوتقول مركاض الشيابين مروين السلال
نهار اخو هملا يدفع القوم للجمع الغفير

الترف

جديد المنشد نياف تركي شيلة الترف من كلمات سلطان الازلع.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *