كلمات شيلة الا ياهاجسي

الا ياهاجسي هبت هبوبك مع هبوب النود

هذا جزاء اللي سمعه الناقد ما ينتقد

دعيتها للي دعاني ثم جت يمي ورود

ينصت لها السامع من الشاعر ليا منه قصد

وان … بالخيل وارقبها سنود

تملك سلالات الذهب تقدم ولاتحسب لاحد
اعرض بشعل ما ينافسها من الذيدان ذود

على اسمها واللي ينافسها على الجره قعد

جت مرعبات الخصم في الميدان واللجنة شهود

يوم اقبلت تقول ضباط لقادات استعد
وخشومها ما كنها الا سلت السيف محدود

وخدودها ولحيها في غيرها ما تنوجد
الحاكمه في وسطها والعود في عين الحسود

الخصم لا شافها دمه بشريانه جمد
 ياللي تبون الفوز قدامه ترى الدعوه صمود

جتكم مخيبة المنافس لو تحيزم واجتهد

جتكم مهيبة الخصم جتكم مفطره التسبود

وسط المداحم خصمها اما انسحب او ابتعد