دنياي هاذي تساوت يالله الخيره
حتى أقرب الناس من تالي تردا بي
دخلتني حيره مابعدها حيره
يالله لاتجعل الفرقا من أسبابي
قد قالها اللي يجيب العلم ويديره
ما يستوي الراس والرجلين يالهابي
لاتعصب الراس وتزود سعاطيره
النفس طبت كثر حكاك وعتابي
راعي الوفا وافي ويعجبك تبريره
والعذر لاجت تحسب لعذره حسابي
سخرة شيً عليك صعيب تسخيره
رجيتك وللأسف فيك الرجا خابي
يا حلمي اللي وعيت وضاع تفسيره
صحيت في واقع لعله يجابي
اتدور الأيام فينا واصبحت سيره
كلن على نيته يشوف وش جابي
يالله ياللي يدير الكون تدبيره
أنك لا تجعل لزومي عند الأجنابي
راضي بمكتوب ربي شره وخيره
والعبد يصبر على المكتوب بكتابي
اقرب الناس
المنشد السعودي فالح الطوق يعود بعمل فني رائع وهي شيلة اقرب الناس من كلمات الشاعر سعيد جمعان الشيب.