كلمات شيلة اغلى دموعي – فالح الطوق

قلبي من اللوعات يابنت مصيوب

والنار تشعل بين حدب الضلوعي

حبك خذاني لكن الحظ منكوب

شين الظروف اليوم دون تلوعي

يابنت شيخً له مع الناس ماجوب

قلبي اسيرك والليالي تروعي

واعويك مع ذيبً من القوم محضوب

القوم من دونه وحاديه جوعي

من صاب وان طغيت ولاعين دروب

يعوي برجمه والخلايق هجوعي

ويامل قلب بين الاضلاع منهوب

مشتاق لك ويون بين الربوعي

ياعنقري من يجلب القلب باسلوب

لامن ذكرتك فاضت اغلى دموعي

عز الله ان حبك علي صار مكتوب

وان الفراق المر يطفي شموعي

وش حيلتي ياشوق والقلب منهوب

امر القدر جاري ولا جا بطوعي

يابو عيون الشقر على الوكر مقضوب

حبك كواني ياجميل الطبوعي

وش حيلتي ياشوق والقلب منهوب

امر القدر جاري ولاجا بطوعي

 

شيلة اغلى دموعي

شيله اغلى دموعي للمنشد السعودي فالح الطوق وهي من كلمات الشاعر صاين الود وتوزيع عبدالله كداف.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *