خرّبتها والحين جيتك و لو كان
منْك الخطا كلّه بدا وانت داري
ياخي تراني صدق بالحيل ولهان
ساحب على اللي جاب للثقْل طاري
يا اول و آخر حب للحب عنوان
ذلّيت ام الحال طال انتظاري
تصدمني بْهجرك ولا حسّ بـ حْزان
اصبر و واسي ضيق بالي واداري
درب الهوى ما فيه كاسب و خسران
دام الحبايب بين بايع و شاري
يجلط خفوقي كلّ حاسد و خوّان
اللي يحاول يبعدِك عن مساري
يا ناعس العينين يا زهْر الاوجان
اشكر جمالك و بْجمالك أماري
بين النعومه و الحسِن مظهرك بان
قمريةٍ متبختره فالقماري
مثل الخمِر ريقك وانا منْه سكران
لذة شفاتك للسعادة تباري
ضفني لقلبك جيت للوصْل شفقان
في ليلة الأثنين من شوق ساري
ابغاك تاخذني غلا بين الاحضان
نطفي من الاشواق نارك و ناري
من ضمّتك بقول ودي من ازمان
يا ليتي في ديرتك وانت جاري
أشكر جمالك درب الهوى ASKHR JAMAK
شيلة أشكر جمالك هي جديد المنشد السعودي عبدالله آل مخلص ومن كلمات الشاعر ثنيان الثنيان وتوزيع أبو بكر البشيري وتعتبر أغنية درب الهوى من انجح أغاني عبدالله آل مخلص وحققت نسبة مشاهدات تجاوزت ثلاثين مليون مشاهدة على اليوتيوب.