روح فمان الله ورعايه الله
مع السلامه رافقتك السلامه
أحتاج وجه بسمته في محياه
حاجة فقير راس ماله حزامه
يقول ياويلي على المال ويلاه
واقول ياويلي على الابتسامه
أنا ليا غنا المغني لليلاه
بان الحزن فيني علامه علامه
وغنيت لك ياتل قلبي من اقصاه
لا وحيت مع وجه العصير الحمامه
روحي وخلي من نثرني بقاياه
يمضي عليه العمر عامه بعامه
ويوم يفضفض للمكان وزواياه
عن كل شي ولايكمل كلامه
حزنه من اقصى طعنه في حناياه
ما جابته سبابته من بهامه
تمره أغلى الذكريات وتعداه
ويموت بين الكبر والانهزامه
ادنا مايزعل منه وادنات مرضاه
مثل الغرير اللي على اول فطامه
يسري ولا يدري على وين مسراه
ويسرح ورقاد الضحى في منامه
كم لي وأنا الوم الزمان بسواياه
ولا حر من جمر العتب والملامه
هاذي ترى رحلة ضياع ومعاناه
يقضي بها المغرم بقية غرامه
احتاج – بن فصلا Ahtaj
جديد المنشد السعودي فالح بن فصلا شيلة أحتاج وهي من كلمات الشاعر مدغم أبو شيبه وتوزيع حازم الأبيض وألحان أغنية أحتاج فهد بن فصلا.