كلمات شيلة انا البارحه – عبدالعزيز العليوي

انا البارحه قلبي نبض للشقاء والبين
ودقات قلبي بين نكبه وتوهيقه

وانا شاعر الغاوين واللي مهم غاوين


وانا اللي بلع صكات بقعاء على ريقه

تبسمت لجروح الزمن والعرب دارين
ووسعت صدر الغير وانا بي الضيقه

تِكَسَّر مجاديفي واهيجن واقول اهلين
هلا بالظروف وعنفوانه وتطبيقه

تعوّدت حزني والنظر مايسر العين
تموت الهقاوي دون حلمي وتحقيقه

دفنت الجروح بْداخلي دفنة المِيتِين
وعزيت نفسي في شموخه وتحليقه

واذا كَبِّتَتْ مره من اللي علَي غالين
اسج القدم واعيق مايمكن اعيقه

لاوالله مهي ذله ولا هي بقصر يدين
ولكن جبال طويق ترفع شواهيقه

انا البارحه

جديد المنشد السعودي عبدالعزيز العليوي شيلة انا البارحه من كلمات عيادة الجهيلي والحان عبدالعزيز العليوي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *