الاجر في الوصل والفرقى ذنوب
ونار شوقي من غيابك حارقه
لك بصدري مالغلا ركن محسوب
في فوادي وانت مني سارقه
تهت في عينك وضيعت دروب
والمشاعر في غرامك غارقه
كيف عنك يالغلا اسلى واتوب
وانت فارق والعلامه فارقه
لك عهد وأصدق وعد ماحد ينوب
عنك يا شمس بحياتي شارقه
في أتجاهات العمر من كل صوب
أستخيلك مثل مزنٍ بارقه
وكن جو دبي نهاب القلوب
في رحابك والغصون الوارقه
والسكينه قربك بوقت الغروب
في ربوع العاصمه ما فارقه
اغنية علامه فارقه
اغنيه جديده للمطرب الاماراتي حمد العامري من كلمات العهد والحان مبارك بالعود وتوزيع زيد عادل.