كلمات شيلة كنغنا سلمان – ماجد الرسلاني

كنقنا سلمان النفيله
عشت يارمز الرجوله والشجاعه
انت ابو الحزم واخو العزم ودليله
وانت ابو الظفرات حفاظ الوداعه

انت راعي الردع وسيوفك صقيله
وانت ابو الخيرات لا حلت مجاعه
راعي الصملات والباع الطويله
فعلها بالخصم يفقدها المناعه

ليا رفع يمناه ضربته ثقيله
مانتظر شور الضعيف ولاسماعه
المجوسي يبني اسنين طويله
وانت حطمت البناء في ربع ساعه

راحت احلام السدى وانهار حيله
دمره من يفتل الرأي بوقاعه
من نوانا قبل ما ياتي نجيله
وسط داره لين يرجع من قناعه

العدو ليا حط رجله بالمليله
هي بداية نكبته واول ضياعه
من تعامى وجنب الحق وسبيله
نردعه حتى نطق سمع(ن) وطاعه

جتهم صقورً مثل مزن المخيله
سيلها شال المعادي باندفاعه
جيشنا ليا مد يمناه الطويله
يرجع الحق المكمل فوق صاعه

كنقنا سلمان Salman

يعود المنشد السعودي المميز ماجد الرسلاني بعمل حماسي وشيلة وطنيه للملك سلمان بن عبدالعزيز حفظه الله ورعاه والجيش السعودي وهي شيلة وطنيه سعوديه حماسيه ولحن سريع يتناسب مع كلمات القصيدة التي كتب كلماتها الادب والشاعر محسن عواد العنزي وتعتبر شيلة ملكنا سلمان من احدث اعمال ماجد الرسلاني ونزلت على القناة الرسميه باليوتيوب.