بحر ركبه غلاهم ولا درر مكنون
يفنى العمر لرضاهم لو كان مايبغون
نختار من شرواهم ان كان هم يدرون
تهوى لحظة لقاهم بالشم او بالعيون
طايع قلبك هواهم هالكيف ما بيمون
يسبي قلبك غواهم وعنك مايرخصون
تبغى تبقى معاهم عسنابه وتيلفون
تورد رشا من ماهم ان كان هو لك عون
ولّى وطره ونساهم وللدهر هم يلغون
عن الدوكم عفاهم فالسومري مفتون
ناسن غزيرن ماهم في حبهم مفتون
وانته ولو تهواهم كل شي لهم بيهون
عنّ القصيد جداهم لعلهم يدرون
وتهيم في ذكراهم وانته حبيب وعون
ياحيهم ما احلاهم لي زينهم مضمون
كل الحلا يفداهم واللي يضم الكون
مثل المها ممشاهم والعود لي موزون
والزين لي يزهاهم على المحب يمون
اياك لا تنساهم مادام هم يوفون
لابد تورد ماهم في يوم ويشوفون
بحر ركبه غلاهم
اغنية رومانسية جديده وهي دويتو مشترك بين المطرب الاماراتي عيضه المنهالي والفنانه بلقيس من كلمات شبعاد والصامل والحان عيضه والاغنية حققت نسبة مشاهدات واستماع كبيره بعد نزولها على القناة الرسميه للفنان عيضه المنهالي في اليوتيوب.