كلمات اغنية انا والبواخر حسين الجسمي

يْحِـن خفّــاقـــي لا شفــــت البواخــــر
تعدّت الشاطي وغـــابت في الأمواج 

تبحث على لؤلؤ طبيـــــعي وْفــاخــــر
يزهي نحَر من هو يحـــب التغنّـــاج
والعود الازرق لا احتـرق في المباخـر
ما يشبه الاّ ريحــــه العَـــذب لا فـاج

واليوم ينظـــــر لي بْمنظــور ساخــــر
كنّه يريــــد يْسبّـــــب لْقبي احــــراج

ياللــــي بـــدا وصلك معــاي يتباخــــر
لا ترتجي من صاحبك ضحكة حْجاج
سوس الهجر في عظم الاشواق ناخـر

والحزن في روض المــــحبّين دوّاج

من التغطــــرس والكبــــر والتفاخـــر
ما جبت لجروحي من فــْراقـك علاج

على كثـر ما كنــت يا زيــــن ذاخـــــر
في مملكــــة قلبي لك العرش والتاج

من قلــب بالشيمــــه وبالعزم زاخــــر
اقفيت وآنــــا عالـــــي مثـل الابراج

والله لــــو انّـــك أوّل انســـان وآخــــر
انسان ماحتــــاجك ولو كنت محتاج